琉歌

琉歌楽島（るうか、たぬしま）　＊「琉歌楽島」や、「琉歌楽しま（琉歌を楽しもう）」とぅ掛きたる言葉どぅやいびいる。随時増あち、いちゃびいくとぅ、いいくる見ちょおてぃ呉ぃみそり。　　　　　（２００７年１１月２６日追加）
琉　歌	日本語意味等
【仲間節】宵も暁も馴れし面影の立たぬ日やないさみ塩屋の煙	宵も暁も馴れし面影の立たぬ日はなかりけり塩屋の煙
解説：情景とぅ心理ゆたくみにかきたるみぐとぅな琉歌やん。「立たぬ日やないさみ」が「馴れし面影」とぅ「塩屋ぬ煙んかいかきらっとをん。うりかあや万葉集ぬ手法とぅ似ちょをん。塩屋や「すや」んち読まちょをしが、もとぅもとぅお、漫談「すうやあぬぱあぱあ」んかいあんねえし、「すうやあ」んちん発音すん。やしが、琉歌ぬ八八八六ぬ調子がる優先しみらっとをる。
今ぬまどお、「かぎやで風」とぅ、ゆう似ちょをる歌んでえ、集みやびたん。-比嘉- 【組踊ぬ大城崩より】けふのほこらしやや木草色かはて旱しゆる頃の雨ちやたごと Kiyu　nu fukurasha ya Kikusairu kawati Fidiri shuru kuru nu Ami chata gutu	今日の喜ばしさは木草色も変わり旱魃の頃に（木草が）雨に出会ったよう
解説：田里親雲上作、組踊「大城崩」ぬ最後ぬ部分ぬ歌謡（揚げじんにやこぶし）
【組踊ぬ忠士身替の巻より】けふのふくらしややものに譬られめ踊りはね遊で御祝ひしゃべら Chuu nu fukurasha ya munu ni taturarimi Wuduifani ashidi Uyuwe shabira	今日の嬉しさはものに譬えられようか踊り跳ねて遊び御祝ひいたそう
解説：波平大主ぬ台詞ぬ一部やいびいん。「けふ」や「Chuu」んでぃぬ発音やいびいしが、「かぎやで風節」ぬ中ぬ「けふぬふくらしやや」ぬ「けふ」やてえげえや、「Kiyu」んでぃぬ発音やいびいくとぅ、気付きてぃくぃみせえびり。（何やてぃん済むんでぃ思いすしえさびいしが…）
【組踊ぬ花売りの縁より】親子ふやはちやるけふぬうれしさや莟で居る花の露きやたたごと Uyaku　fuyawacharu Chu nu urishisa ya Tsibudiwuru hana nu Tsiyu chata gutu	親子がめぐり合えた今日のうれしさは莟んでいる花が露に出会ったよう
解説：組踊『花売りの縁』（高宮城親雲上作）ぬ最後ぬ踊いんかい使あっとをる琉歌やいびいん。「莟で居る～」以下や、「かぎやで風節」とぅいぬむんやいびいん。
【かぎやで風節　うぬ一】けふぬほこらしやや　なをにぎやなたてるつぼでをるはなぬつゆきやたごと kiyu　nu fukurasha ya nawuni jana tatiru tsibudi wuru hana nu tsiyu chata gutu	今日ぬふくらしゃあ　何んかいが譬ゆら蕾どおる花ぬ露いち逢たるぐとぅに chuu nu fukurasha a nuu nkaiga tatiyu ra chibudooru hana nu chiyu ichataru gutuni （日本語意味）今日のうれしさは何にこそ譬えよう花の蕾が露に出会った如き（嬉しさ）に（譬えよう）
解説：上や、他ぬ大概ぬ琉歌とおいぬむん、「歴史的かなづかい」なかい表記さっとをいびいん。「なをにぎやな」や、「おもろさうし１８巻１１４４」んかい存ぬ「かつれんわ、なおにきや、たとゑる、やまとぬ、かまくらぬ、たとゑる」ぬ「なおにきや（何にこそ）」とぅいぬ意味やら筈やいびいしが、「な」や、八八六調ぬ韻踏むる為なかい、たっ加あちぇえるむんでぃ思ありいん。「ぎやな」んでぃ言る語彙からしいねえ、作らったる時代やかあま昔やる筈やいびいん。　　　琉歌あ、知りみせえる通い、八八六ぬ韻踏まんでえないびらんくとぅ、字抜じゃい、たっ加あちゃいするばすんあいびいん。うぬ為なかい、後々、解釈ぬ違てぃ来ゅうる事んあいびいん。「つゆきやたごと」お、上ねえし、「露いち逢た如」んでぃん、また、「露置ちゃた如」んでぃぬ解釈んなゆん。音韻とせえ、前語ぬ「tsiyu（露）」ぬ最後ぬ音ぬ「u」とぅ後じいぬ「uchata（置ちゃた）」ぬ一番前ぬ音「u」とぅお、いぬむんやくとぅ、たっ加し易っさんあい、自然やしが、「いち逢た」やれえ、うぬ一番前ぬ音お、「i」どぅやいびいくとぅ、たっ加あし苦さんでぃ思ゆしが如何やいびいら。作者不詳。うぬ歌あ、う祝えぬ歌どぅやいびいしが、江戸時代ぬ作家滝沢馬琴や、「露のようにはかない花」ぬ事、歌たとおる「琉球ぬ辞世ぬ歌」んでぃち、ばっぺえてぃ解釈しみそうちょおたんでぃぬ事やいびいん。／吉屋
【参考歌】今日のほこらしややなをにがなたてる莟でをる花の露きやたごと Kiyu nu fukurasha ya Nawu ni gana tatiru Tsibudi wuru hana nu Tsiyu chata gutu	上に同じ
解説：ゆう歌あらっとをる「かぎやで風」とお、「なをにがな」ぬとぅくるぬ違やびいん。実にやれえ、「なをにぎやな」んちるなとをいびいる。
【かぎやで風節うぬ二】金びんぬ御酌　深く取りかわち比翼おしどりの　契りしゃびら（読みい様）ちんびんぬうしゃく　ふかくとぅいかわちひゆくうしどぅいぬ　ちじりしゃびら chinbin nu ushaku fukaku tuikawachi hiyuku osidui nu chijiri shabira	【かぎやで風節　うぬ二】（なまぬうちなあぐち）金びんぬ御酌　深く取ぃいかわち比翼うしどぅいぬ　契りさびら chinbin nu ushaku fukaku tuikawachi hiyuku osidui nu chijiri sabira （日本語意味）金瓶の御酌　深く取り交わし比翼おし鳥の（ような愛の）契りを致しましょう
解説：にいびちすうじ座（結婚式・披露宴）うとおてえ、上ぬ「かぎやで風うぬ一」がる、いいくる歌ありやびいしが、じくぬうぬ二がるじゅんにやるんでぃ言やっとおいびいん。我にん工工四見だんでえ、三味線やないびらんしが、ゑえかぬにいびち披露宴ぬばす、頼まってぃ、７～８名さあに、くぬ歌なかい、弾ちあびたるばすやいびいたしが、「きうぬ～」どぅ歌い慣りとおいびいくとぅ、声とぅ三味線とぅあたらな、異風なあやいびいたん。／吉屋

琉歌楽島（るうか、たぬしま）　＊「琉歌楽島」や、「琉歌楽しま（琉歌を楽しもう）」とぅ掛きたる言葉どぅやいびいる。随時増あち、いちゃびいくとぅ、いいくる見ちょおてぃ呉ぃみそり。　　　　　（２００７年１１月２６日追加）
琉　歌	日本語意味等
【仲間節】宵も暁も馴れし面影の立たぬ日やないさみ塩屋の煙	宵も暁も馴れし面影の立たぬ日はなかりけり塩屋の煙
解説：情景とぅ心理ゆたくみにかきたるみぐとぅな琉歌やん。「立たぬ日やないさみ」が「馴れし面影」とぅ「塩屋ぬ煙んかいかきらっとをん。うりかあや万葉集ぬ手法とぅ似ちょをん。塩屋や「すや」んち読まちょをしが、もとぅもとぅお、漫談「すうやあぬぱあぱあ」んかいあんねえし、「すうやあ」んちん発音すん。やしが、琉歌ぬ八八八六ぬ調子がる優先しみらっとをる。
今ぬまどお、「かぎやで風」とぅ、ゆう似ちょをる歌んでえ、集みやびたん。-比嘉- 【組踊ぬ大城崩より】けふのほこらしやや木草色かはて旱しゆる頃の雨ちやたごと Kiyu　nu fukurasha ya Kikusairu kawati Fidiri shuru kuru nu Ami chata gutu	今日の喜ばしさは木草色も変わり旱魃の頃に（木草が）雨に出会ったよう
解説：田里親雲上作、組踊「大城崩」ぬ最後ぬ部分ぬ歌謡（揚げじんにやこぶし）
【組踊ぬ忠士身替の巻より】けふのふくらしややものに譬られめ踊りはね遊で御祝ひしゃべら Chuu nu fukurasha ya munu ni taturarimi Wuduifani ashidi Uyuwe shabira	今日の嬉しさはものに譬えられようか踊り跳ねて遊び御祝ひいたそう
解説：波平大主ぬ台詞ぬ一部やいびいん。「けふ」や「Chuu」んでぃぬ発音やいびいしが、「かぎやで風節」ぬ中ぬ「けふぬふくらしやや」ぬ「けふ」やてえげえや、「Kiyu」んでぃぬ発音やいびいくとぅ、気付きてぃくぃみせえびり。（何やてぃん済むんでぃ思いすしえさびいしが…）
【組踊ぬ花売りの縁より】親子ふやはちやるけふぬうれしさや莟で居る花の露きやたたごと Uyaku　fuyawacharu Chu nu urishisa ya Tsibudiwuru hana nu Tsiyu chata gutu	親子がめぐり合えた今日のうれしさは莟んでいる花が露に出会ったよう
解説：組踊『花売りの縁』（高宮城親雲上作）ぬ最後ぬ踊いんかい使あっとをる琉歌やいびいん。「莟で居る～」以下や、「かぎやで風節」とぅいぬむんやいびいん。
【かぎやで風節　うぬ一】けふぬほこらしやや　なをにぎやなたてるつぼでをるはなぬつゆきやたごと kiyu　nu fukurasha ya nawuni jana tatiru tsibudi wuru hana nu tsiyu chata gutu	今日ぬふくらしゃあ　何んかいが譬ゆら蕾どおる花ぬ露いち逢たるぐとぅに chuu nu fukurasha a nuu nkaiga tatiyu ra chibudooru hana nu chiyu ichataru gutuni （日本語意味）今日のうれしさは何にこそ譬えよう花の蕾が露に出会った如き（嬉しさ）に（譬えよう）
解説：上や、他ぬ大概ぬ琉歌とおいぬむん、「歴史的かなづかい」なかい表記さっとをいびいん。「なをにぎやな」や、「おもろさうし１８巻１１４４」んかい存ぬ「かつれんわ、なおにきや、たとゑる、やまとぬ、かまくらぬ、たとゑる」ぬ「なおにきや（何にこそ）」とぅいぬ意味やら筈やいびいしが、「な」や、八八六調ぬ韻踏むる為なかい、たっ加あちぇえるむんでぃ思ありいん。「ぎやな」んでぃ言る語彙からしいねえ、作らったる時代やかあま昔やる筈やいびいん。　　　琉歌あ、知りみせえる通い、八八六ぬ韻踏まんでえないびらんくとぅ、字抜じゃい、たっ加あちゃいするばすんあいびいん。うぬ為なかい、後々、解釈ぬ違てぃ来ゅうる事んあいびいん。「つゆきやたごと」お、上ねえし、「露いち逢た如」んでぃん、また、「露置ちゃた如」んでぃぬ解釈んなゆん。音韻とせえ、前語ぬ「tsiyu（露）」ぬ最後ぬ音ぬ「u」とぅ後じいぬ「uchata（置ちゃた）」ぬ一番前ぬ音「u」とぅお、いぬむんやくとぅ、たっ加し易っさんあい、自然やしが、「いち逢た」やれえ、うぬ一番前ぬ音お、「i」どぅやいびいくとぅ、たっ加あし苦さんでぃ思ゆしが如何やいびいら。作者不詳。うぬ歌あ、う祝えぬ歌どぅやいびいしが、江戸時代ぬ作家滝沢馬琴や、「露のようにはかない花」ぬ事、歌たとおる「琉球ぬ辞世ぬ歌」んでぃち、ばっぺえてぃ解釈しみそうちょおたんでぃぬ事やいびいん。／吉屋
【参考歌】今日のほこらしややなをにがなたてる莟でをる花の露きやたごと Kiyu nu fukurasha ya Nawu ni gana tatiru Tsibudi wuru hana nu Tsiyu chata gutu	上に同じ
解説：ゆう歌あらっとをる「かぎやで風」とお、「なをにがな」ぬとぅくるぬ違やびいん。実にやれえ、「なをにぎやな」んちるなとをいびいる。
【かぎやで風節うぬ二】金びんぬ御酌　深く取りかわち比翼おしどりの　契りしゃびら（読みい様）ちんびんぬうしゃく　ふかくとぅいかわちひゆくうしどぅいぬ　ちじりしゃびら chinbin nu ushaku fukaku tuikawachi hiyuku osidui nu chijiri shabira	【かぎやで風節　うぬ二】（なまぬうちなあぐち）金びんぬ御酌　深く取ぃいかわち比翼うしどぅいぬ　契りさびら chinbin nu ushaku fukaku tuikawachi hiyuku osidui nu chijiri sabira （日本語意味）金瓶の御酌　深く取り交わし比翼おし鳥の（ような愛の）契りを致しましょう
解説：にいびちすうじ座（結婚式・披露宴）うとおてえ、上ぬ「かぎやで風うぬ一」がる、いいくる歌ありやびいしが、じくぬうぬ二がるじゅんにやるんでぃ言やっとおいびいん。我にん工工四見だんでえ、三味線やないびらんしが、ゑえかぬにいびち披露宴ぬばす、頼まってぃ、７～８名さあに、くぬ歌なかい、弾ちあびたるばすやいびいたしが、「きうぬ～」どぅ歌い慣りとおいびいくとぅ、声とぅ三味線とぅあたらな、異風なあやいびいたん。／吉屋